Võro instituudin naatas kokko pandma mikandi vana-aoliidsi süüke retseptiraamatut. «Kukki Eesti söögiretsepte raamatit om jo mitu tükkü vällä ant, tulõ-i säält häste vällä, määne süük siistkandist vai Lõuna-Eestist peri om,» ütel’ instituudi projektijuht Ojari Triinu.
Et Võromaa pernaisil umast söögist inämb tiidmist olõssi, selle tahetaski sääne raamat tetä. Sinnä pandas sisse nii egäpäävä- ku pidosüüke, nii soolatsidõ ku magõhidõ süüke retsepte.
Api saias ka Võromaa taloliidu inemiisi käest, kiä omma joba innembi retsepte kor’anu, vannu süüke tennü ja pildistänü.
Raamadu tegijä uutva, et Võromaa inemise saatnu ka ummi tiidmiisi söögitegemisest, -kombist ja süükest. Retsepti tohe-i olla kostki raamatust maha kirotõdu. Kirota või ka tuust, midä ti perren hariligult süvväs.
Retsepti ja muu teedüs pallõldas saata Ojari Triinulõ Võro instituuti: See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud. vai Tartu 48, 65609 Võro.