Näydäti pido tunnismärki – lõõtspilli
10. mahlakuu pääväl sai Kanepi seldsimajan nätä Uma Pido märgipilli – lõõtspilli – maketti. Tuu meisterd’ Tartese Heino.
Lõõts valiti Uma Pido märgipillis tuuperäst, et lõõdsamäng on meil jälki moodun. Viil tahetas meelen pitä Põlva kihlkunnast peri pillimeistrit Teppo Augustit ja timä vällä arõndõdut Teppo-tyypi lõõtspilli.
Taivaskual läydetäs pidotuli
Päiv inne Umma Pito, 28. lehekuul kogutas väke ja läydetäs pidotuli luudusligun pyhäpaigan: Taivaskual. Tuld hoidas yypäiv rahvalaulu ja perimyse seen, pidopääväl lätt tuli Uma Pido rongikäygin pidoplatsi pääle.
Ettevõtmisõ kõrraldaja uutva Taivaskotta tuld hoitma ja väke koguma kõiki huviliidsi ja ka abiliidsi (laulja, pillimehe, jutussõkõnõlõja – andkõ hindäst teedä Kaasiku Tiidulõ ildampa 23.04 tel 5304 7288 vai See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud.).
Maavalla kua teedä om Taivaskoda Põlva kihlkunna kõgõ vägevämb pyhäpaik. (Taivaskua ku pyhäpaiga kotsilõ saa inämb lukõ www.maavald.ee päält).
Käsityy- ja söögimeistri pidolaadalõ!
Uma käsityy- ja söögimeistri omma oodõdu kauplõma Indsikurmu Uma Pido laada pääle. Kauplõmisõ soovist tulnu teedä anda ildampa 1. lehekuu pääväs (1.05.). Kirjapandminõ: www.polva.ee/laat-registreerimisleht.
NB! kõigi Uma Pido ettevõtmiisi kotsilõ saa mano teedyst www.umapido.ee päält!