Märdikuu 19. pääväl (19.11.2011) peetäs Urvastõn ja Karilatsin savvusannapäivä.
Kell 10 naatas Urvastõ seldsimajan pääle kõnõlõmisõga, midä saiva teedä tinavaasta suvõl Urvastõ kandin sannaperimyst kor’anu yliopilasõ, kirotas Uma Leht.
Päält lõuna kellä katõ aigu lätt päiv edesi Põlvamaa talorahvamuusõumin Karilatsin, kon tetäs vallalõ näytys «Savvusann – mi uma sann» ja kõnõldas aastaga joosul savvusannu hääs ette võetuist tegemisist.
Juttu tulõ sannaperimysest, sannu ehitysest, seosuvitsist vallaliidsi sannu päivist.
Vasta õdagut istutas ytenkuun tsäilavva takan ja arotõdas, määndsit ettevõtmiisi tulõva aasta ja viil edesi olõsi vaia käymä tougada.
Jutuajamiisi aigu pantas kytty muusõumi savvusann ja kellä kuvvõ kanti saa päävä lõpõtusõs sannan kävvy.
Sannapäävä ettevõtmisõ omma massulda. Kaema, kullõma ja yten kõnõlõma oodõtas kõiki savvusanna-huviliidsi.
Kiä plaan pikembät sõnavõttu, piäs tuust teedä andma Eichenbaumi Küllile, tel 5661 1924, See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud..
Täpsembät pääväkavva saa kaia savvusanna kodolehe päält: www.savvusann.ee.
Ylesvõte: Viht on sauna mõnu