Pääsky-lintu, päivä-lintu,
se ihalõ ilma-lintu,
lenteli ķesoizõt päiväd,
syķyzyzed ööt pimmiäd.
Õttsi maata maatakseen,
murroa munitakseen,
põltoa pezitäkseen.
Näķi mättää meressa,
sinizee meree sizessä.
Valõ vaskizõõ pesäizee,
muni kultaizõd munaizõd.
Tuli tuuli, aivoi tuuli,
meree viihkura vihainõ.
Laukas pesä Laukahasõ,
veeretti munad vette.
Alki muuttõmaa munaizõd,
yhsi kuussa kuumõttimaa,
tõinõ alaa maa-emässä,
kõlmais päivyss päälee ilma,
nelläis ilmalõ imessä.