[text]
Täna on

21. piimäkuu pääväl tulõ Haanimaal Vaskna talon edimäne võrokõisi tsõõriklaud. Kõrraldaja luutva, et Võromaa as’a ajaja nakkasõ ka edespiten tsõõrigu lavva takan kokko saama ja mikandi jaos tähtsit asjo märgotama, kirotas Uma Lehes Harjo Ülle.

Vana Võromaa katõsa kihlkunda – Urvastõ, Kanepi, Põlva, Räpinä, Vahtsõliina, Rõugõ, Harglõ ja Karula – omma külh üts keele- ja kultuurinukk, a ütidse lavva takan olõ-i katsa kihlkunna rahvas viil kuun istnu. Nii Mulgi- ku Setomaal om seon as’an võrokõisist ette jõutu.

«Võrumaa asja ajavit inemiisi olõsi kuigi vaia inämb ütte jalga käümä panda,» kõnõlõs üts tsõõriklavva iistvidäjit, Allasõ Anti Võro maavalitsusõst. «Keväjä Võrumaa Visioonikonvõrendsil tull’ Võrumaa umaperä tüügrupin mõtõ suvitsõl püürüspääväl kokku saia ja võrukõisi tsõõriklaud tetä. Tuu võinu olla võrukõisi kultuuriruumi ütesköütvä asi: and kimmüst, kuis piäsi võru asja siin kotusõ pääl ajama.» Allasõ Anti kuts edimädsele tsõõriklavvalõ võrokõisi egält puult üle Eestimaa.

Võro maavalitsus kõrraldas võrokõisi tsõõriklavva takan kokkosaamisõ kuuntüün Haanimiihhi Nõvvokua ja Võro Instituudiga.

Mõttõtalos käü kell 10–13. Kõik huvilidsõ omma oodõdu ja võisi hindäst teedä anda tel 78 219 60, 533 22 153 vai e-kiräga See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud..

 

Uma Leht