[text]
Täna on

Puulpäävä, 29. hainakuu pääväl kell 10 tulõ Mooste mõisan linalaat, kirotas Uma Leht.

Laadu pääl kauplõmisõ iist määnestki rahha ei küstä, a oodõdu omma innekõkkõ käsitüü ja linadsõ kraami müüjä.

Paiga pääl näüdätäs, kuis linakiust rõivas saa. Viil saa kaia moesõud ja mooduluuja Hiiesalu Heino tettüisi linatsit rõivit.

Kõnõldas tuust, ku häste lina inemise tervüsele mõos. Saa ka vanno puust asjo kõrdategemist oppi. Laadulidsi hääd tujjo hoitva lõõdsapoisi. Mooste külätiatri «Virvendus» mäng kell 17 Veskitiatrin etendüst «Miisu». Külälidsile näüdätäs häste alalõ hoitut Mooste mõisat ja kõnõldas tuust.

Linalaada kõrraldas Mooste Mõisa Arendusselts. Teedüst saa: See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud. vai tel 511 7848 (Prosti Ülle).


Uma Leht