13. põimukuu pääväl tulõ Kanepi kandin Jõgõran (Lutsul) Mesipuu talon vanaaolinõ vilälõikuspäiv. Päiv tege vallalõ talo egä-aastadsõ ettevõtmisõ «Rehepapi Säidse Amõtit», kirotas Uma Leht.
Paiga pääl võetas villä nii tsirbi ku vikatiga, pandas vihku ja hakki. Mõtõ om nuu sis katõ nädäli peräst järgmädsel Rehepapi-pääväl viläpessümassinalõ laskõ.
Kõik huvilidsõ omma oodõdu Mesipuu tallo kell 11. Kiä tüüd tetä ei taha, tuu või rahuligult õnnõ päält kaia. Latsilõ om valmis saanu mänguplats, opatas ka viläkõrsist ja muust kraamist asjo tegemä.