Vana Võromaa kotsilõ sai valmis saina pääle pandmisõ kaart, kirotas Uma leht.
Vahtsõ kaardi päält saa kaia, kuis joosi Võromaa katsa kihlkunna (Urvastõ, Kanepi, Põlva, Räpinä, Vahtsõliina, Rõugõ, Harglõ ja Karula) umaaigsõ piiri. Saman omma kirän ka parhillatsõ maakunna- ja vallapiiri.
Ekä küllä kaardi pääl olõ-i, är näüdädü omma suurõmba ja tähtsämbä kotussõ. Man omma pildi mitmõst Võromaa põnõvambast nukast ja luudusõst.
«Innekõkkõ om seo kaart mõtõld Võromaa kuulõ jaos, a tegeligult võinu egä asutusõ saina pääl olla,» kõnõlõs kaarditegemise iistvõtja Laube Kadri Võro Instituudist. Kaarditegemise man and’ nõvvo ka kotussõnimmi uurja Saarõ Evar.
Vahtsõt kaarti saa Võro Instituudist.