Umma kiilt ja kultuuri tähtsäs pidävä tegüsä inemise omma oodõdu 1. märdikuu pääväl kell 10–14 Kanepi lähküle Kevvai turismitallo võrokõisi tõsõ tsõõriklavva taadõ.
Tsõõriklavva takan kõnõldas innekõkkõ noist vahtsist võrokeelitsist ettevõtmiisist, miä omma ka aokirändüsen vällä hõigadu. Edimäne, kõgõ suurõmb arotus om «Määne võisi tulla edimäne võrokeeline laulupido Uma Pido 2008. aastagal?» Et tulõvaidsil Uma Pido kõrraldajil olõsi keremb ja sälä takan võimaligult hulga rahva siäst tulnuisi mõttit, sis om tsõõriklaud õkvalt tuu kotus, kohe võisi tulla ummi ettepanõkit vällä ütlemä.
Viil kõnõldas, midä olõsi vaia tetä, et kotusõpääline kultuur võimaligult häste nätä olõsi (suvõüritüse jms).
Tsõõriklavva kõrraldaja Ojari Triinu sõnno perrä võiva paiga pääle tulla inemise nii Võro, Põlva ku Valga maakunnast ja kavvõmbastki.
Tsõõriklavva taadõ kirjapandmisõs tulõ saata e-kiri aadrõssi See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud. pääle vai kõlista tel 78 21960.