[text]
Täna on

Timahavanõ, 18. Kaika suvõülikuul peetäs 11.-13. põimukuu pääväl (11.-13.08.) Kanepi kihlkunnan Valgjärvel.

Kiä või suvõülikuuli tullaq?
Suvõülikuuli võivaq tullaq kõik, kinkalõ umakeelidseq ja -meelidseq aśaq süäme perrä ommaq.

Miä plaanin om?
Plaanin ommaq loenguq Valgjärve kandi ja muu kottalõ, arotusõq, bussireis, matk; õdagist kaias filme, võrokeelist tiatrit, kullõldas kontsõrtõ. Ütel õdagul tulõvaq küllä Tarto lõõdsapäivi pillimeheq ja näidega tetäs ütine pillimängmine-laulminõ-tandsminõ. Raadio Ööülikooli abiga tulõ Kaika suvõülikooli üü-ülikooli programm
võrokeelitside loengidõ ja arotuisiga.

Latsilõ om loengidõ aigu eräle programm: bussireis, aolehe tegemine, meisterdämine, tsehkendämine, võro keele tunn. Kimmähe om nii latsilõ ku suurilõ suvõülikoolin ka sporditunn.

Kuis suvõülikuuli tullaq?
Buss Kaika suvõülikuuli Valgjärvele lätt vällä riidi, 11. põimukuu pääväl kell 11.30. Võro kerigu iist platsi päält. Tagasi nakkas buss Valgjärvelt sõitma pühäpäävä, 13. põimukuu pääväl kell 14.30. Muidoki saa egäüts tullaq ka uma massinaga vai pruukiq muid bussõ (kaeq www.bussireisid.ee).

Miä üten võtta?
Telk vai vähämbalt magamisõrõivaq madratsiga piässi suvõülikuuli tulõjil hindäst üten olõma. Kiä taht, saa klassitarrin maadaq.
Osavõtumassu olõ-i, a üten piässi suvõülikuuli tulõja võtma söögirahha 100-150 kruuni täüskasunu inemise kottalõ ja 75-100 kruuni koolilatsõ vai tudõngi pääle, ku tahetas terveq suvõülikuul platsin ollaq ja süvväq saiaq. Kiä viil koolin ei käüq, saavaq süvväq ilma rahalda.

Kõrraldajaq ja tugõjaq
Suvõülikooli kõrraldasõq MTÜ Võro Selts VKKF, Valgjärve kooli rahvas ja Võro Instituut. Suvõülikooli rektor om seo aastak Kama Kaido ja pääkõrraldaja Ojari Triinu.

Suvõülikooli muud teedüst saa Ojari Triinu käest (telehvon Võro Instituudin 78 219 60, karmanin 533 22 153, e-post See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud. ja See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud.).


Võro Instituut`