[text]
Täna on

Võro Instituut kuulutas vällä 19. latsi võrokiilside kirätöie võistlusõ «Mino Võromaa», kirotas Uma Leht.

Juttõ või üles kirota imä-esä, vanaimä-vanaesä vai mõnõ tõsõ vanõmba inemise käest.

A kimmähe uutva võistlusõ kõrraldaja juttõ ja mõttit ka täämbädse ao koolielost, nal’akist juhtumiisist, kodopaigast ja kõgõst muustki.

Kõiksugu jutu, näütemängu, luulõtusõ, katõkõnnõ, arotusõ, mõtõlusõ, vaiõlusõ, kitmise ja kaibamisõ omma oodõdu.

Eräavvuhinna omma näütemänge ja tunnõtuidõ lauluviise pääle vahtsidõ sõnno kirotajilõ.

Tüü tulõ saata nii paprõ pääl ku meiliga Võro Instituuti ildampa 3. urbekuu pääväs (03.03.).

Parõmba saava avvuhinna ja kõik võiva parõmbit töid lukõ vahtsõst kogomigust «Mino Võromaa 19».

Saada uma tüü: Võro Instituut, Tartu 48, 65609 Võro liin ja See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud.. Lähembält saa võistlusõ kotsilõ küssü tel 78 21 960.

 

Uma Leht