18. urbekuu pääväl (18.03) peetäs Põlvan säitsmendät rahvamuusigapito Folkfest, kon vannu laulõ ja pillilukõ esitedäs vahtsõt muudu, kirotas Uma Leht.
Seokõrdsõl pidol nõutas ka tuud, et inne egä esinejä ülesastmist olõs kuulda ka näide ettekantava laulu vai pilliluu vana, alguperäline variants.
Etteastjil om aigu hindäst tiidä anda 20. radokuu pääväni. Seokõrd on ümbretegemise (interpreteeringu) teema «Üts lugulaul». Pido nakkas pääle jo paastukuu 17. päävä õdagu, ku Põlvan ast üles Metsatöll.
Ku viisapaprõ ajaminõ õnnistus, piäsi edimäst kõrda Folkfesti pidolõ jõudma ka tõisi rahvit. Ukrainast om tulõman Kulikovka muusigakooli vanõmbidõ klassõ opilaisi andsambli, miä tege ukraina rahvamuusikat ümbre.
Ülesastjilõ jaetas ka avvuhindu. Pääpreemiä – 1000 eurot – pand’ vällä Põlva liinavalitsus.
Vaata lisaks: