Võro instituudin tulõ 20. märdikuu pääväl kell 11 kuvvõs kotussõnime-päiv kodoluu-, aoluu- ja nimehuviliidsilõ, kirotas Uma Leht.
Võrokeelitside kotussõnimmi ammõtligust pruukmisõst kõnõlõs Kama Kaido, talonimmi muutumisõst Eesti keele instituudi keelekõrraldaja, kotussõnimenõvvokogo asõesimiis Pälli Piitre.
Ammõtligõ talonimmi keelelidse ainõ muutumist Võromaal seletäs Saarõ Evar, maastigusõnno Võro- ja Setomaa kotussõnimmin om uurnu Fastrõ Mariko. Timmi Uudo jutt om luudusobjektõ nimmist Võromaal. Muistõndit Lasva kotussõnimmist kõnõlõsõ Järvpõllu Aini ja Lipingu Karmen.
Vanno maakuulõ nimmi tulõtas miilde kodoluu-uurja Ojala Uno, Setomaa Mokornulgast kõnõlõs Obinitsa seto muusõumitarõ kodo-uurja Sillaotsa Liidi.
Võro liina uulidsanimmist tege juttu Ruusmaa Artur, kiä om Kreutzwaldi memoriaalmuusõumi päävarahoitja.
Huvilidsõ piä-i kullõmisõ iist midägi masma, a hindäst tulõ teedä anda ildambalt 17. märdikuu pääväs tel 612 51 47 vai See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud..