Kokko om kor’at teedys inämb ku 100 vana Võromaa käsityymeistri kotsilõ. Seo teedys pandas ka yle-Eestiliste rahvakultuuri andmõbaasi. Ettevõtmisõ mõtõ om tuu, et meistri saasi ytstõsõst teedä ja huvilidsõ meistride käest kunstõ oppi vai asjo telli, kirotas Uma Leht.
Pia tahetas luvva ka vana Võromaa käsityykogo, miä nakkas teedyst jagama, oppuisi ja kokkosaamiisi kõrraldama.
Karula hoiu yhingu inemise korssi kah eräle kokko teedysse uma kihlkunna 45 meistri kotsilõ, lisas pandas sääl kokko lasõrtsõõri ja pildialbummi Karula kihlkunna vana käsityy kotsilõ.
Meistride andmõbaasi saa kaia www.naputyy.ee päält. Teedyst kor’atas edesi ja meistri saava hindäst teedä anda (teedys taasama kodolehe pääl).