Karula hoiu yhingust saa kyssy vahtsõt lasõrtsõõri, kon pääl omma jutu ja pildi Karula kihlkunna vanõmba käsityy kotsilõ, kirotas Uma Leht.
Karula hoiu yhing kor’as’ timahava ja minevaasta kokko mitmõst muusõumist ja ka inemiisi käest teedyst, mändse omma olnu Karula kandin vanõmbal aol tetty käsityyas’a.
Plaadi pääl om jutt, kuis ytte vai tõist asja tetä ja pilt om kah man.
Karula käsityy andmõkogost om kassu kooliopilaisilõ, käsityyoppajilõ ja ka tõisilõ huviliidsilõ. Kerge vaivaga saa teedä, mändse mitmõ as’a umal aol olli ja pruuvi näid perrä tetä.
Käsityykogo luumist ja plaadi tegemist tugi rahaga kodaniguytiskunna tsihtkapitaal (KÜSK).