Päält Mulgimaa, Setomaa ja vana Võromaa silte om vällän ka yts vana Harjumaa silt, kirotas Uma Lehes Saarõ Evar.
Seo om vällän Vändra ja Rapla vahelidsõ tii pääl, parhilladsõ Rapla maakunna lõunapiiri pääl.
Nigu tulõ vällä lehest «Järvakandi Kaja», panti taa silt yles joba 11. sykyskuu pääväl 2008. Taa sildiga aja Järvakandi arõndusselts Järvakandi valla kokkusaamisõ asja: Kehtna vald, miä parhilla om egäl puul ymbre valla õiguisin Järvakandi alõvi, ei taha Järvakandilõ tagasi anda noid paari kyläkeist, miä aoluulidsõlt Järvakandi ala käyny omma.