14. joulukuu pääväl kell 10 nakkas Tarto ylikooli päähuunõn talvõseminär «Kogokund ja luudus Lõuna-Eestin», tuu kõrraldas ylikooli Lõuna-Eesti keele- ja kultuuriuuringidõ keskus, kirotas Uma Leht.
Kopra-uurjana tunnõt seto Laanetu Kolla kõnõlõs inemiisi elopaigast ja luudusõst, Pärsiku Liisi jutt om lõunaeestläisi ristinimmist 150 aastakka tagasi, Maavalla kua vanõmb Kaasiku Ahto kõnõlõs luudusligõst pyhäpaigust, Preismanni Kaili Karula rahvuspargist ja kogokunnast. Viil kõnõlõsõ Näki Silver, Peetsalu Erkki jt. Seminäri lõpõtas rahvaperimyse-uurja Kõivupuu Marju, kink jutt om Lõuna-Eesti maastigust kirärahva silmi läbi.
Päält seminäri näydätäs Lõuna-Eesti keele- ja kultuuriuuringidõ keskusõn katsandat aastaraamatut ja peetäs iloõdagut.