Vahtsõaastakuu 14. pääväl (14.01) kell 14 tulõ vana Võromaa Põlva kihlkunna veerenukan Karilatsi muusõumin võrokõisi tsõõriklaud. Kuun kaias ja arotõdas kultuuriministeeriumi programmi tyypäälkiräga «Vana Võromaa kultuuriprogramm 2010–2013».
Taa programm tetäs vana Võromaa kultuuriasju tugõmisõs. Taa om jakus programmilõ «Lõunaeesti keel ja kultuur», miä 2009. aastaga är lõpõs ja miä om tugõnu 2000. aastagast pääle ka Uma Lehe välläandmist, võrokeelitsit tele- ja raadiosaatit, võro keele oppamist koolõn ja pall’ond muud, kirotas Uma Leht.
Tsõõriklavvalõ oodõtas härksit inemiisi kõigist vana Võromaa umavalitsuisist, seltsest, a niisama kultuurikõrraldajit ja -sõpru.
Tsõõriklavva kõrraldas Võro selts yten Põlva talorahvamuusõumiga. Kimmä tulõja võinu tuust teedä anda e-posti See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud. pääle.