Harju Ülle
See e-posti aadress on spämmirobotite eest kaitstud. Selle nägemiseks peab su veebilehitsejas olema JavaSkript sisse lülitatud.
24. kõrda peet võrokõisi Kaika suvõylikuul tõi Harglõ mailõ päält 450 «tudõngi» – kõgõ inämb võro keele ja meele sõpru suvõylikooli aoluu joosul.
«Mi vallan õnnõ 800 inemist eläski – kõrraga tull’ vasta võtta inämb ku poolõ valla jago kyläliidsi!» ytel’ suvõylikooli pääkõrraldaja, Taheva vallavanõmb Rogenbaumi Monika.
Et abin oll’ mitukymmend paiklikku inemist, sis tull’ vald ylikooli kõrraldamisõga ilosalõ toimõ.
«Seo suvõylikuul köytse mi valla inemiisi,» kitt’ Rogenbaumi Monika. «Mi ei olõ inne tundnu, et Kaika suvõylikuul om ka meile mõtõld, a no saimi arru, et tuu nii om.»
Suvõylikoolin kõnõldi Harglõ kihlkunna luudusõst, inemiisist, kotussist ja muust, miä paiklikulõ rahvalõ kõrda lätt. Paikligu tegysä inemise näytsi ka hindä tegemiisi, tuusiän teivä võrokiilset näytemängu ja lauli rahvalaulõ.
Järgmädsel suvõl tulõ Kaika suvõylikuul Põlva kihlkunnan Moosten. Mooste vallavanõmb Needo Ülo tull’ esi kah Harglõlõ kaema, kuis suvõylikuuli kõrraldõdas.
Tä lubasi, et Moosten om suvõylikooli yts märgosõna «lõõtspill» (sygysest tetäs Moosten vallalõ perimysmuusiga kuul) ja ku kirotõdas võrokiilne muusikal, sis tetäs tuu Moosten är kah.